ПОЛИТИЧКА ПАРТИЈА НА МАКЕДОНСКОТО МАЛЦИНСТВО ВО ГРЦИЈА
Членка на Европската Слободна Алијанса – Европска Политичка Партија (ЕСА - ЕПП)
Членка на Федералната Унија на Европските Националности (ФУЕН)

Стефаноу Драгоуми 11 ТК.. 53100 P.O 51, Грција; Тел/Факс 0030 23850 46548
Вебсајт: www.florina.org; е-маил: rainbow@florina.org

Соопштение за медиумите

Лерин - 21 април, 2008

ECA- Виножито им одговара на Зелените

Со нејзиното последно соопштение за печат, партијата на Зелените во нашата земја им се извини на грчките медиуми и се обиде да се одбрани од нивните клевети осудувајќи ја дискусијата на тема малцинствата во Грција, што се одржа во Европскиот Парламент.
Тие ја негираат својата вмешаност вешто обидувајќи се да ја одвојат општата Европска група на Зелените од ЕСА (Европската Слободна Алијанса), која заедно со Федерацијата на Турците од Западна Тракија го организира овој мошне успешен настан во Брисел.
Нашите жалби по повод повредувањето на основните човекови права на „непостоечките малцинства“ во нашата земја ги изненадија Европјаните и ги налутија грчките новинари. Со оглед на тоа што очајниот обид на грчкото министерство за надворешни работи да го спречи или контролира настанот заврши неуспешно, грчките медиуми ја преземаа работата во свои раце обидувајќи се да го деградираат огромниот интерес што го покажаа европарламентарците.
Во една ваква атмосфера, поддршката што европратеникот Скинас од Нова Демократија и ја упати на партијата на Зелените во Грција, беше очекувана и разбирлива. Според него, оваа меѓународна дискусија беше на некој начин провокација од страна на Европската партија на Зелените, со намера да се промовираат „екстремистички елементи“ на Европската Слободна Алијанса. Ова е точно дефиниција на зборот „раководење“.

Во секој случај, ако Зелените вистински сакаат да соработуваат (не само за време на изборите) со оние луѓе во нашата земја кои се самоопределуваат етнички поинаку (не како Грци), добредојдени се да учествуваат активно во слични настани што претстојат и што овојпат ќе бидат организирани во Грција.

Канцеларија за печат на
ЕСА-Виножито

top of page