По усвојувањето на извештајот за напредокот на Македонија кон членството во Европската Унија од Комитетот за надворешни работи при Европскиот парламент во кој беше вклучен и Зелениот амандман (1) во кој се потенцира дека Македонија треба да биде призната под нејзиното уставно име, германскиот европратеник, член на „зелените“, Ангелика Бир рече:

„Европскиот парламент денес зазеде јасно гледиште во врска со проблемот со името помеѓу Македонија и Грција, со изјавата дека Македонија треба да биде признаена под нејзиното уставно име. Ова е за прв пат институција на Европската Унија да заземе јасен став по ова прашање. Грција мора да ги надмине нејзините нерационални стравувања кои го третираат признавањето на името на Македонија како ургентен проблем, и да престане да и пречи на оваа мала држава во нејзиниот влез во Европската Унија.“

Белешка на уредникот:
(1) Амандманот (Бр. 80) усвоен од комитетот гласи:
„Истакнува, кон ова, дека значајни земји како САД, Руската Федерација и Кина, како и одредени држави членки на ЕУ, веќе ја признаа Македонија под нејзиното уставно име и смета дека проблемот со името на никаков начин не смее да се користи како пречка за започнување на преговори и влез во ЕУ.“